Yon ofisye kontenjan kenyan nan fòs miltinasyonal la ann Ayiti pèdi lavi l pandan yon operasyon ki dewoule jodi Dimanch 23 Fevriye 2025 lan nan Ségur/Savien, nan depatman Latibonit.
Dapre yon nòt ofisyèl ki soti nan MMSS la, ofisye lapolis Samuel Kitwai, 26 lane, te blese grav pandan yon konfwontasyon ak gwoup ame yo epi imedyatman yon elikoptè te transpòte l nan yon lopital Nivo 2 nan Aspen. Malerezman, li te mouri kèk èdtan apre.
Otorite Kenya yo ak MMSS la eksprime kondoleyans yo bay fanmi ofisye ki te tonbe a ak kòlèg li yo. Yo p ap bliye Sakrifis li, se sa yo te di nan deklarasyon yo.
