Selebrasyon fèt fen ane a pase nan fè nwa. EDH konfime ke li te resevwa resous pou ogmante pwodiksyon elektrisite a, men ensekirite a anpeche li bay vil yo kouran.
Pandan tan sa, vil Jacmel, Gonaïves, Cayes, Miragoâne, Port-de-Paix, pami lòt, gen plis pase 3 zan nan blakawout. CSPN, ki la pou pran mezi ki vize sekirite peyi a, nan mòd obsèvatè. PM Alix Didier Fils-Aimé, prezidan CSPN lan, pito pibliye nòt laprès tout lajounen olye pou l pran mezi drastik pou konbat ensekirite k ap boulvèse peyi a.
plis pase yon milya goud te debouse pandan vakans fen ane yo pandan pèp la ap mouri grangou ak ensekirite . Yon sitiyasyon ki plonje pèp la nan plis dout sou kesyon sekirite a.
