Jedi 26 Desanm 2024 lan make yon nouvo etap pou vil Tabarre. Arsonval Alexandre, Wilner Étienne ak Gémima Lovelace te prete sèman ofisyèlman kòm manm komisyon minisipal pwovizwa a. Ekip sa a te prete sèman nan tribinal premye enstans ki te deplase a, nan lokal meri a.
Nan diskou li , Arsonval Alexandre, prezidan komisyon an, mete aksan sou ijans pou rankontre gwo defi Tabarre yo. Li pwomèt aksyon konkrè pou netwaye lari yo ki anvayi ak fatra, epi retabli sekirite ak sipò lapolis la. Li mande tou pou sitwayen yo jwe wòl aktif nan transfòmasyon vil la.
Ak yon priyorite transparans finansye ak jesyon patisipatif, nouvo administrasyon an vle pi pwòch popilasyon an. Mwa k ap vini yo pral desizif nan evalye angajman yo ak pote fwi ke popilasyon an ap tann lan.
