Nan okazyon “Madi Nasyon an”, Minis Kilti ak Kominikasyon an, Mesye Patrick Delatour, pale de preparasyon kanaval nasyonal ki pral fèt nan Fò Libète soti 2 pou rive 4 Mas, li anonse bidjè a pase a 300 milyon goud.
Sou tèm « Haiti Debout! » Ayiti Kanpe! » Òganizasyon kanaval atravè peyi a ap koute anwiwon 300 milyon goud, ki prevwa nan lwa finans 2024-2025 la, ladan 170 milyon dola prale espesyalman pou Fort-Liberté, vil ki deziyen pou òganize gwo selebrasyon popilè sa a, daprè yon atik Ministè Kilti ak Kominikasyon (MCC).
Pou preparasyon yo, Leta a ap planifye yon envestisman enpòtan, an patikilye reparasyon asfat lari prensipal la nan vil la ak wout segondè yo, » se sa Ministè Kilti ak Kominikasyon te ekri. Inisyativ sa a, dapre ofisyèl yo, se yon pati nan yon estrateji pi laj ki vize ranfòse ekonomi lokal la, ranfòse sèvis lopital yo ak modènize enfrastrikti nimerik vil la.
Anplis de sa, Minis Patrick Delatour souliye ke chwa vil Fort-Liberté a estratejik e li reflete yon dezi pou desantralizasyon ak amelyorasyon eritaj istorik nasyonal la. An menm tan, efò sa yo vize pozisyone vil la kòm yon destinasyon touristik, mete aksan sou richès kiltirèl ak istorik li yo. »
Nou dwe sonje Komite Òganizatè Kanaval Nasyonal 2025 la te soumèt yon bidjè pwovizwa ki te anviwon 536 milyon goud, ki 3valye a4,1 milyon dola ameriken. Sòm sa a te pwovoke gwo reyaksyon, akòz anpil defi ijan peyi a ap fè fas.
