Se aprèmidi a, vè 4trè,Prezidan Kolonbyen an Gustavo Petro finalman rive Ayiti. Prezidan konsèy prezidansyèl tranzisyon an,Leslie Voltaire ak fanfa palè nasyonal la te akeyi li apremidi a nan ayewopò Jakmèl la. Avyon ki te pote prezidan an ateri ak aplodisman popilasyon an ki t ap mobilize depi maten.
Ou ka li tou
Gouvènman Ayisyen an debloke 500 milyon goud pou prepare vizit prezidan Kolonbyen an Gustavo Petro
Akonpaye pa yon delegasyon, prezidan Kolonbyen an te ale imedyatman nan Manoir Adriana Hotel pou patisipe nan yon konsèy minis binasyonal. Yon foul moun te rasanble nan ayewopò a ak sou tout wout la pou akeyi Gustavo Pétro.
Nan Konsèy Minis lan, prezidan Konsèy Prezidansyèl Tranzisyon an, Leslie Voltaire ak Prezidan Kolonbi Gustavo Petro ap gen pou siyen yon deklarasyon ansanm ki gen rapò ak koperasyon 2 peyi yo.
