Nan yon entèvyou eksklizif ak jounalis VOA kreyòl James Pierre, reprezantan Repibliken Mike Lawler, ki reprezante 17yèm distri New York la, mande pou renouvle TPS pou Ayisyen yo.
Gen anviwon 11,967 sitwayen ayisyen k ap viv nan 17yèm distri New York la. Reprezantan Lawler a di ke akòz deteryorasyon kondisyon sekirite ann Ayiti, administrasyon Trump la ta dwe renouvle TPS pou Ayisyen yo.
Depite a te konsantre sou gang ki kontinye ap bay pwoblèm nan peyi a ak sou trafik dwòg ki, daprè li, ap ogmante ann Ayiti chak jou.
