Òganizasyon Mondyal Lasante (OMS) « regrèt » desizyon Prezidan Ameriken an Donald Trump pran pou l retire Etazini nan òganizasyon nan yon dekrè li siyen lendi kèk èdtan apre inogirasyon li.
« OMS twonpe nou, » òganizasyon an ki la pou siveye pandemi yo, piti chache fè kòb sou Etqzini, siyati dekrè sa ap kontribye nan pwogrè finansye Ameriken ak Chinwa a, Deklare nouvo lokatè mezon blanch lan.
Nan tèks sa a, li mande ajans federal yo pou yo « sispann tout nouvo transfè lajan, sipò oswa resous ki soti nan gouvènman Etazini an ki al jwenn OMS ».
« Nou espere ke Etazini pral revize pozisyon li epi angaje li nan yon dyalòg konstriktif pou sante ak byennèt dè milyon moun atravè mond lan, » se sa yon pòtpawòl òganizasyon an di nan Jenèv, epi espere « yon dyalòg konstriktif » ak otorite Ameriken yo.
Etazini, ki te deja pran dispozisyon pou l kite OMS pandan premye manda Trump lan nan ane 2020, se prensipal donatè ak patnè òganizasyon Nasyonzini an ki baze nan Jenèv. Dapre OMS, yo kontribye nan finansman li yo atravè yon kontribisyon ki baze sou PIB, men tou, atravè kontribisyon volontè.
Retrè sa a mete anpil enkyetid anplis, desizyon an pran nan yon moman kote sikilasyon viris grip avyè a ap ogmante nan peyi Etazini, ki sou wout vin yon pwochen pandemi. Peyi a te anrejistre yon premye ka lanmò ki lye ak viris H5N1 nan kòmansman mwa janvye.
