ChatGPT se yon Aplikasyon ki devlope pa OpenAI. Li itilize teknoloji entèlijans atifisyèl (IA) pou konprann epi reponn a kesyon ou poze nan yon fason ki natirèl ak ki gen sans. Li kreye nan objektif pou ede moun jwenn enfòmasyon, rezoud pwoblèm, bay konsèy, e menm fè konvèsasyon sou diferan sijè. Li gen kapasite pou konprann plizyè lang, bay repons sou yon pakèt sijè, epi adapte l ak estil kominikasyon moun yo.
Kòman ou kapab entegre l nan watsapp ou pou ede w fè rechèch?
1- Ou prale sou watsap, w ap klike sou siy plis la
2- Lèw fin klike sou li, w ap klike sou nouvo kontak
3- W ap ouvè l.
- W ap mete « Chatgpt » nan plas non an
- Ou pral nan plas nimewo telefòn lan, w ap chwazi Etats-unis
- W ap mete nimewo telefòn sa: 1 800 242 8478
- Epi w ap fè anrejistre
Sa w tande a, Chatgpt deja entegre nan watsap ou.
Kijan pou verifye si l entegre?
w ap moute sou watsap, nan ba rechèch la, w ap rantre Chatgpt
Pou fè rechèch, w ap klike sou Chatgpt a, w ap ouvè l, w ap ekri sa w bezwen an, ou voye l ale, nan yon titan repons ou vin jwenn ou.
Si enfòmasyon sa entèrese w? Pataje l ak yon lòt moun nan kontak ou.
