Jeantel Joseph, chèf estrikti opozisyon an « Opozisyon Pliryèl », anonse yon mobilizasyon jeneral apati 28 fevriye 2025 lan sou tout teritwa nasyonal la. Inisyativ sa a gen pou objektif mande depa Konsèy Prezidansyèl Tranzisyon an (CPT), ke li akize de enkapasite pou l retabli sekirite ak batay kont ensekirite alimantè ki afekte yon gwo pati nan popilasyon an. Dapre li, ekip lidèchip aktyèl la echwe, yo paka satisfè atant popilasyon an.
Pandan yon konferans pou laprès ki te dewoule madi 11 fevriye 2025 lan nan Dèlma, lidè politik la mande tout sektè òganize nan peyi a mete tèt yo ansanm pou fòse CPT a kite pouvwa a. Li ensiste sou nesesite pou yon aksyon kowòdone ki enplike sosyete sivil la, sendika yo ak pati politik yo yon fason pou ogmante presyon an sou otorite an plas yo. Pou Jeantel Joseph, se sèlman yon gwo mobilizasyon ki ka mennen nan yon tranzisyon ki pi konfòm ak aspirasyon pèp la.
Lidè Opozisyon Pliryèl la pwopoze kòm yon altènatif nonmen yon jij nan Lakou Kasasyon pou aji kòm prezidan pwovizwa nan peyi a. Li kwè ke yon figi konsa ka garanti yon tranzisyon san patipri ak lejitim, lwen enterè yo patizan ke li atribiye nan Konsèy Prezidansyèl aktyèl la. Pwopozisyon antre yon kad koupe fache ak gouvènman aktyèl la ki, daprè li, agrave kriz sosyo-politik ak ekonomik la ann Ayiti.
