Gen gwo tristès an Ayiti apre atak nèg ak zam yo fè kont Lopital inivèsite Leta Dayiti a (HUEH), madi 24 desanm sa a. Kantite moun ki mouri yo pou kounye a se 4, ki gen ladan de(2) jounalis.
Atak nan lopital jeneral la kontinye souke opinyon piblik la. Kantite Moun ki mouri jiskaprezan se kat(4). Pami yo gen Daniel Renaud, yon polisye yo touye ak bal, ak de(2) jounalis, Jimmy Jean ak Mackendy Natoux. Yo te blese grav pandan ensidan an, yo ta pral mouri yon ti tan aprè.
Ou ka li tou
Anplis de sa, sèt lòt jounalis ak de polisye blese, kèk grav, pandan zak vyolans sa a ki simen panik nan lopital la.
Evènman sa a leve yon lòt fwa kesyon sekirite enstitisyon piblik yo, pwoteksyon pwofesyonèl laprès ak lapolis nan yon kontèks nasyonal ki gen gwo enstabilite.
