Administrasyon Joe Biden lan anonse TPS pou enviwon 600 mil venezyelien ak plis pase 230 mil ki sòti peyi Salvadò pou 18 mwa. Se depatman sekirite enteryè Etazini ki anonse sa jodi vandredi 10 Janvye 2025 lan.
Tout imigran venezyelien ki rive Ozetazini avan 31 jiyè 2023 elijib pou aplike pou TPS, ki pral valab pou 18 mwa, lap kòmanse 3 Avril 2025 pou fini 2 oktòb 2026. Pou tan pou Salvadoryen yo, estati tanporè a ap kòmanse 10 Mas 2025 pou rive 9 Septanm 2026.
Èske avan Prezidan Biden kite pouvwa a 20 janvye 2025 k ap vini la, lòt peyi yo tankou Ayiti, kiba, Nikaragwa pral jwenn yon pwolonjeman TPS tou ? Pandan rete sèlman 10 jou pou nouvo prezidan an, Donald Trump enstale li nan mezon blanch la.
