Jodi Jedi 23 Janvye 2025 lan, Minis Jistis la, Me Patrick Pelissier, pwosede ak enstalasyon Me Lionel Constant Bourgoin kòm Komisè gouvènman nan tèt pakè Tribinal Premye Enstans Jakmèl la.
Pandan seremoni sa a, Minis Pelissier te eksprime konfyans li nan konpetans ak entegrite Me Bourgoin, li mete aksan sou enpòtans pozisyon sa a pou asire bon fonksyonman jistis nan rejyon an. Li mete aksan tou sou defi ki genyen pou ranfòse eta de lalwa epi garanti aksè ak jistis pou tout sitwayen.
Me Lionel Constant Bourgoin, bò kote pa l, te remèsye Minis la pou konfyans yo genyen nan li e li te reyafime angajman li nan travay pou endepandans jistis ak entegrite fonksyon sa a. Li souliye tou enpòtans kolaborasyon ak lòt enstitisyon jidisyè yo pou konbat enpinite epi ankouraje yon sistèm jidisyè ki jis ak transparan.
Seremoni an, ki te fèt an prezans plizyè otorite jidisyè ak administratif, make yon etap enpòtan nan ranfòsman sistèm jidisyè a nan Jakmel.
