Maten an ki se 5 janvier 2025 lan Robenson Rendel, 37 lane, jwenn lanmò li, nan lakou legliz notre-Dame perpétuel secours nan delmas 75. Daprè pòtpawòl adjwen PNH la, li te resevwa 9 pwojektil, pami yo 4 nan tèt.
Selon moun ki te sou plas, 5 Asasen yo te sou plizyè motosiklèt. Robenson Rendel se te yon antreprenè ki te vann pwodui kosmetik. Li te nan yon Toyota Prado blende nwa ak nimewo anrejistreman AA-44237. Apre rapò legal la, jistis lapè, Alberic Jospeh Jean, bay lòd pou yo leve kadav la.
