Granpapa Donald Trump te rele Johannes Drumpft, li te fèt nan peyi Almay 26 mas 1789. Alman yo gen yon istwa enteresan ann Ayiti.
Premye etablisman Alman te fèt nan Santo Domingo (Ayiti kolonyal) nan Bombardopolis, nan sid Môle-Saint-Nicolas. Apeprè mil Alman ki gen ladan Johannes Drumpft te vini nan Bombardopolis nan dizwityèm syèk la epi yo te rive fè vi yo gras ak kilti kafe. Anpil nan yo te resevwa sitwayènte ayisyen gras ak Jean-Jacques Dessalines apre 1804, e piti piti yo te melanje ak rès popilasyon Ayisyen an.
Johannes Drumpft (Trump) te rete ann Ayiti pou kèk ane epi li tounen nan peyi natif natal li kote li te mouri a laj 46 lane nan Bavaria nan dat 22 novanm 1835. Li te kite dèyè 3 timoun: Maria Katharina Drumpft; Anna Elizabeth Schwinn ak Christian Johannes Trump papa Friedrich Trump ki se granpapa Prezidan Ameriken Donald Trump.
Yon istwa ki pa twò popilè nan Ospitalite ak vèti ayisyen an: nan mwa Desanm 1840, yon bato ki te soti Bremen ak san swasanndis emigran Alman abò yo te detwi nan Point Isabella epi yo te kondwi atè nan gwo van. Pa gen okenn lavi ki te pèdi men pasaje yo te mennen Okap san tout afè yo. Malè yo te reveye senpati bon moun Okap yo. Pa gen okenn konsil Alman ki te prezan nan Okap an 1840, yo te ka mouri grangou si se pa t èd tout sitwayen Okap. Yo te loje yo, pran swen yo ak ba yo manje, asistans medikal ak rad. Kèk ladan yo te rete ann Ayiti e yo pat janm retounen nan destinasyon yo.
Komèsan Alman yo te kòmanse etabli pou tout tan an Ayiti nan lane 1850 yo.
Rès istwa a ap vini.
Michel Soukar.
