Sendika anseyan Ayisyen yo anonse yon grèv nasyonal k ap kòmanse Lendi 13 Janvye 2025 lan.Yo envite Anseyan lise ak lekòl nasyonal yo pou sispann aktivite yo epi rete lakay, se sa responsab sendika yo declare nan yon konferans kit e fèt Mèkredi 8 Janvye a.
Mobilizasyon sa ap fèt nan lide pou yo jwenn satisfaksyon sou plizyè revandikasyon kle. Pami yo, ogmantasyon sale yo fas ak jan vi a vin pi chè, amelyorasyon sèvis asirans pou anseyan yo, nominasyon edikatè ki kalifye yo, règleman aryere sale ak lòt avantaj sosyal.
Selon kòdonatè UNNOEH la, Kenson Delice ak Hubermane Clairemond FENATEC, gèv sa se yon fason pou kwense gouvènman an pou l reponn ak bezwen ijan anseyan yo epi amelyore kondisyon travay yo.
