Nan kad 48èm Reyinyon Òdinè Chèf Deta ak Gouvènman CARICOM yo nan Babad, konseye Prezidan Laurent SAINT-CYR, rankontre Sekretè Jeneral Nasyonzini an pou diskite sou gwo kriz ensekirite k ap ravaje Ayiti a.
Konseye Prezidansyèl la repete demann Ayiti pou transfòme Misyon Sipò Sekirite Miltinasyonal (MMSS) la an yon fòs mentyen lapè Nasyonzini. Kòm repons, Sekretè Jeneral la konfime angajman li pou l pwopoze Konsèy Sekirite Nasyonzini an tabli yon nouvo fòs pou konbat ensekirite ak retabli demokrasi ann Ayiti.
Konsèy Prezidansyèl Tranzisyon an rete detèmine pou rezoud kriz sa a epi avanse nan direksyon refòm konstitisyonèl, òganizasyon eleksyon jeneral yo ak reponn bezwen imanitè popilasyon an.
