Lopital Inivèsite Leta Dayiti a (HUEH) , te sibi yon atake vyolans madi 24 desanm 2024 la. Aksyon sa a, ki te koz lanmò de jounalis ak yon polisye, plis sèt lòt jounalis te blese, te lakòz yon vag endiyasyon atravè peyi a. Gouvènman an, ki dekri ensidan sa a kòm “yon zak malonèt”, te anonse sou plas yon repons fèm pou sekirize etablisman an ak pouswiv otè krim yo.

Nan yon kominike, otorite yo te kalifye atak sa “inakseptab,” mete aksan sou lopital jeneral la ki se yon enstitisyon vital pou sante piblik la. Kòm repons, yo te deplwaye fòs sekirite yo pou pwoteje anplwaye medikal yo ak sekirite lopital la. Operasyon yo ap kontinye fèt pou idantifye ak arete moun ki responsab zak vyolans sa a.

Gouvènman an te mete an plas yon plan reyabilitasyon pou byen vit relouvri lopital la nan kondisyon byen sekirize . Ekip teknik, ki gen sipò lapolis, ap travay pou remete etablisman an an fonksyon.

Sipò pou pèsonèl medikal yo, ki afekte dirèkteman pa atak sa a, te ranfòse. Anplis de sa, mezi yo ap pran pou garanti sekirite lòt enfrastrikti enpòtan nan peyi a.

Nan yon nòt pou laprès, gouvènman an mande pou popilasyon an ini yo ak rete vijilan , mete aksan tou sou nesesite pou pèp la rete solidè epi rejte laperèz ak dezespwa nan moman difisil sa yo.