Apre li fin pase plis pase 33 mwa ap sipòte gouvènman Ariel Henry an ki pa fè anyen pou rezoud pwoblèm ensekirite a, André Michel mande pou ranplase CPT la ki, daprè li, se yon echèk apre 8 mwa. Si se vre ke CPT a pa fè anyen apre 8 mwa, daprè kèk moun, li pa diferan ak gouvènman Ariel Henry a ke André Michel t ap defann.
Anpil moun kwè ke li pa lè pou resikle politisyen koripsyon yo ankò, men li lè pou fè plas ak gason ak fanm ki responsab ki poko janm sipòte yon gouvènman koripsyon, se sa Jean Corvington rapòte nan editoryal li pou kòmansman ane 2025 la.
